Mukhang naguguluhan si Chester habang nagsasalita. Sa totoo lang ay ayaw talaga nitong ilagay ni Darryl ang kaniyang sarili sa kapahamakan pero ayaw din niya na tawagin ito ng iba na walang utang na loob. Alam niya rin na hindi ito hahayaang mangyari ni Darryl nang walang ginagawa na kahit ano.

Agad na tumahimik ang lahat nang ibuka ni Chester ang kaniyang bibig.

Dito na huminga nang malalim si Darryl bago mapait na ngumiti at sabihing, “Maraming salamat sa pagintindi pero mas magaalala ako kung aalis na lang ako nang ganoon ganoon na lang.”

Dito na niya kinuha ang suot niyang pendant para ibigay kay Chester.

“Chester, ang pendant na ito ay ang pahingahan ng evil beast na Wild Fury. Panatilihin mo itong ligtas at agad mo itong tawagin sa sandaling mangailangan kayo ng tulong.” Seryosong sinabi ni Darryl.

Dito na niya pinalabas ang Wild Fury.

Isang dambuhalang katawan ang nagpakita sa main hall habang sumisigaw nang malakas. Naglabas ang katawang ito ng isang nakakatakot na aura.