Ano?

Nanigas ang lahat sa gulat kabilang si Gonggong at ang mga Heneral.

Pinasok ang South Gate?

Paano iyon naging posible? Palaging mahigpit ang seguridad sa South Gate, mayroon itong pinakamahigpit na pagbabantay.

Pinagkiskis ni Gonggong ang kaniyang mga ngipin nang subukan niyang pigilin ang kaniyang galit. Malamig siyang nagsalita. “Paano iyong nangyari?”

“Great Marshal.” Balot sa takot at pagkataranta ang mukha ng sundalo nang magsalita ito. “Mga lalake iyon mula sa Hidden Hero Sect. Nagkunwari silang tingnan ang ayos ng depensa at humantong ito sa pagpatay nila sa mga naroon pagkarating nila.”

Nakakamuhi!

Kumabog ang pagsisisi at galit sa puso ni Gonggong sa mga salitang kaniyang narinig.

Hindi niya dapat pinagkatiwalaan ang mga tang*ng iyon mula sa Hidden Hero Sect. Isa iyong malaking pagkakamali.

Hindi alam ni Gonggong na hindi nagmula sa Hidden Hero Sect ang mga tauhan ni Robert, pero mga nagbabalatkayong mga sundalo ito na nagmula sa New Worls Royals.

Pero hindi na