Ano?

Naramdaman ni Oliver ang pagkablangko ng kaniyang isip nang marinig niya ito.

Itinatakwil na siya ng buong lahi ng mga demonyo? Paano itong nangyari?

Nang dahil sa sitwasyon ngayon sa Godly Region, siguradong hindi maganda ang kahihinatnan niya sa sandaling makasalubong siya ng mga sundalo ng Godly Region o ng kampon ni Archfiend Antigonus. Napuno ng takot at kaba ang dibdib ni Oliver nang maisip niya ito. Dito na siya humarap kay White Tiger King para magmakaawa rito. “Kamahalan, patawarin niyo na po ako sa aking kasalanan. Huwag niyo po akong itakwil sa ating lahi. Patawarin niyo po ako! Patawarin niyo po ako!”

Habang nagmamakaawa ay nagpakita ito ng nakakaawang itsura kay Black Tortoise King.

Hindi na napigilan pa ni Black Tortoise King ang kaniyang sarili kaya agad nitong ibinuka ang kaniyang bibig para magsalita para kay Oliver.

“Black Tortoise King!”

Pero siniguro pa rin ni White Tiger King na hindi ito makakapagsalita. Ngumiti ito habang sinasabi na, “Sinabi mo sa ak