Mabilis na umatras si Wilbur at tumulo ang dugo mula sa gilid ng labi niya.

“Arghh!!!” sigaw niya.

Habang sumisigaw siya, ang mahabang itim na buhok niya ay lumutang sa ere at naging mapula ang mga mata niya.

“Isang Energy Deviation?!”

Sa malayo, napahinga ng malalim si James sa eksenang nakita niya.

Alam niya kung gaano nakakatakot si Wilbur noong nagka Energy Deviation siya noong huli.

Sa ilalim ng Energy Deviation, gugulpihin siya ni Wilbur hanggang sa puntong hindi na siya makalaban.

Tinignan siya ng Omniscient Deity at napangiti siya ng kaunti sa ilalim ng maskara. “Mukhang hindi pa niya naalis ang masamang epekto ng dugo ng dragon. Kahit na imortal siya, hindi niya maaaring hayaan ang sarili niya para madala ng emosyon. Kung hindi, mawawala siya sa sarili niya at mababliw na ng tuluyan.”

Alam ng Omniscient Deity na lalakas ng husto ang puwersa ni Wilbur sa ganitong estado niya.

Ito mismo ang gusto niya. Masasayang lamang ang pagpunta niya dito kung ang hangganan lang ng lakas ni